Premiu negativu pa Gutiérrrez Granda

Ayeri, día de los Santos Inocentes, la Coordinadora Ecoloxista entregó la "Buyada Purpurina", premiu negativu a la persona, entidá o empresa que más ficiere contra la naturaleza y el mediu ambiente asturianu. Ente 11 candidatures con bien de méritos, la organización ecoloxista escoyó la del Director Xeneral de Deportes Daniel Gutiérrez Granda, destacando l'acta del xuráu la neciura del responsable de deportes en mantener proyectos estraos d'irregularidaes, casu del refuxu del Meicín, que la Coordinadora entiende que valtia les normes urbanístiques de L.lena y de la CUOTA. El sofitu al proyectu de la estación d'esquí de "Fuentes de Invierno" n'Ayer, na que tuvo de repetise l'informe d'impactu ambiental y que'l Gobiernu ta sacando alantre anque la iniciativa privao nun-y ve futuru dengún al proyectu, tamién-y dio puntos al responsable de deportes pa merecer el "reconocimientu" de la Coordinadora.