Política Llingüística va entamar el procesu pa oficializar tamién los nomes de los conceyos

|
Parque 'Heno de Pravia'

A falta de la espublización nel Boletín Oficial del Principáu d'Asturies (BOPA) del decretu toponímicu, Pravia convirtióse nel sesentenu octavu territoriu n’oficializar la so toponimia tradicional. La Conseyería de Cultura, Política Llingüística y Turismu anunció al empar l’entamu del procesu pa facer la modificación de los nomes de los conceyos, que s’ha d’aprobar tamién en Plenu.

Son 38 los qu’han de revisar el so topónimu, yá que los 40 restantes yá empleguen l’asturianu o gallego-asturiano. Nos díes próximos cada ayuntamientu va recibir una comunicación del entamu del espediente de revisión del nome del conceyu xunto cola propuesta de la Xunta Asesora de Toponimia, cola intención de que cada corporación pueda aprobalu darréu.

Tres la oficialización de la toponimia tradicional de Pravia’l nel Conseyu de Gobiernu del vienres, queden, otra manera, diez por dar esti pasu. Son Llanera –que ta nuna fase mui avanzada–, Castropol, Somiedu, Cuideiru, Ayande, Caravia, Ibias, El Valle Baḥu de Peñamellera, Salas y Navia.

La intención de Política Llingüística ye tener completaos estos dos procesos nel 2022, pa entamar colos trabayos de recuperación de los nomes tradicionales de los principales accidentes xeográficos (ríos, montes, playes, cabos, golfos, llagos, etc.).

Na semeya, el parque 'Heno de Pravia', de Pravia. Semeya propiedá del Conceyu de Pravia.

Contador Estadistiques