Pingarates

Paez que va garrando traces de ser una realidá la idea de la creación d'un casa la tonada. El Conceyu Mieres ta en negociaciones pa mercar un xalé de la cai Numa Guilhou, lo que paez una muestra de bones intenciones pa llevar alantre un proyectu qu'agora mesmu cuenta namás con 24.040 € de presupuestu.Esti domingu n'Uviéu los aficionaos a la música folk tienen la oportunidá de dir a una feria de discos de música celta y étnica. Sedrá nel hotel Regente, y según la organización va haber más d'ocho mil discos y casetes, que van ser nuevos, y con precios que van andar ente 1 euro pa les cintes y hasta los 15 € pa les novedaes. Tamién va aprovechase pa presentar el boletín númberu venti de la distribuidora Arpa Folk .La Banda de Gaites Villa d'Avilés va participar nel festival "Pueblos del Mundo" de Málaga representando a Asturies. Nesti festival participen agrupaciones de 22 países, y la banda actuará estos díes del 15 al 22 nos actos de protocolu y na xornada de clausura.