Piden reconocimientu pa la llicenciatura en ciencies ambientales

Ta acabante de constituyise l'Asociación de Ciencies Ambientales d'Asturies, un colectivu que quier esparder la figura del llicenciáu nesta especialidá y que tamién pide la implantación na universidá asturiana de la llicenciatura en Ciencies Ambientales, unos estudios enxertos nel área de la bioloxía que dan formación nos aspectos científicos y sociales del Mediu Ambiente col envís de preparar profesionales de la xestión medioambiental y la planificación del territoriu. Ente les especialidaes que domina l'ambientólogu tan los trabayos d'evaluación d'impactu ambiental, la redacción de proyectos de meyora y conservación d'espacios naturales, trabayos de detección de contaminantes y análisis y xestión de residuos y la planificación y esplotación de recursos naturales.

Anguaño, la Universidá de Llión ye la más allegada a Asturies onde supón esta especialidá, pa la que delles Comunidaes Autónomes tienen acutaes bolses de trabayu y oposiciones específiques, casu de la Xunta d'Andalucía. Los ambientólogos asturianos van dar a conocer la so organización a les 8 d'esta tarde nuna reunión abierta nel Centru xuvenil de Santuyano (Uviéu) anque tamién pue contactase colos impulsores de la iniciativa pela web