Piden estabilidá pa los interinos

El sindicatu d'enseñanza SUATEA pidió esta selmana que s'apaute dende'l Ministeriu d'Educación una forma nueva d'accesu a la función docente que-yos dea más estabilidá a los interinos, un colectivu que representa'l 25% del colectivu docente. Énte la prósima reforma que ta preparándose sobre'l sistema d'oposiciones, el sindicatu diz que bien d'estos interinos lleven yá hasta 15 años de trabayu, pero l'actual sistema d'oposiciones nun-yos tien en cuenta como debiere la esperiencia que tienen acumulao a la hora d'asegura-yos un puestu de trabayu. Suatea argumenta que más del 70% de les persones que pasen una oposición nun tienen esperiencia docente, mientres que muncha xente que lleva años trabayando en centros educativos queden fuera. pa iguar esta situación, en Suatea proponen que s'igüe un sistema d'accesu estraordinariu semeyante al qu'hai nel sistema sanitariu