Pautu en Cataluña

Nun hubo sorpreses, y esta mañana el vicesecretariu d'Esquerra Republicana de Catalunya Joan Puigcercós, dio anuncia de la formación d'un gobiernu catalán conxuntu ente ERC, Partíu Socialista de Catalunya y IC-Verts nel que'l socialista Pascual Maragall va ser Conseller de la Generalitat, mientres que'l candidatu d'ERC, Josep Lluis Carod-Rovira va ocupar el cargu de Conseller en Cap. Los últimos flecos que quedaben por iguar n'alcuerdu de gobiernu, rellacionaos con cuestiones de financiación, autogobiernu y política llingüística acabaron de rematase esti fin de selmana. A última hora de la mañana, IC-Verts, la tercer fuercia que podría entrar a esti gobiernu, echose p'atrás y pide que primero'l PSC-yos aprebe dellos mínimos.

N'anuncia de del alcuerdu a Radio Catalunya, Puigcercós dixo que "El camín d'ERC nun ye'l camín vascu y muncha xente camienta qu'esiste una Cataluña nacionalista y otra que nun ye nacionalista, pero'l partíu al que represento entiende que lo positivo y importante ye que tolos partíos catalanes avancen hacia un estatutu nuevu y un modelu nuevu de de financiación" cosa qu'al paecer d'ERC nun taba en condiciones de facer Convergencia y Unió, la fuercia más votada nes elecciones en cuantes que "nun puen liderase cambeos políticos dempues de llevar 23 años en gobiernu". Ello ye que, anque se contaba con ello, l'anuncia del pautu ente fuercies d'izquierdes vien a abrir una crisis en CiU, la fuercia hexemónica en Catalunya dende 1980 y qu'agora queda ensin más faza de poder que los conceyos de

L'anuncia del pactu catalán espeya'l futuru del gobiernu catalán, una de les duldes polítiques más importantes a la hora d'enfrentar el fúturu políticu del Estáu español. La entrada d'ERC al "govern" supón un pactu ente una fuercia política que se declara republicana y que defende la independencia y la primer fuercia d'oposición parllamentaria nel Estáu Español, ello pue abrir un debate d'idegues sobre la concepción del estáu ente los dos polos en que se mueve'l PSOE anguaño, con una tendencia más allegada al federalismu que representa'l PSC y los postulaos más centralistes d'otros líderes del PSOE como José Bono. De momentu, el PP yá aprovechó per boca de Javier Arenas pa echar contra'l PSOE por "arriesgar la condición de partíu nacional al pactar con un partíu que quier la independencia"

Pa tar al tantu de la última hora en Cataluña, encamentamos la visita al portal Vilaweb