Pasar nueches d'insomniu con Toli Morilla

Poesía n'asturianu d'autores asturianos, la guitarra y l'exerciciu de sinceridá de Toli Morilla son los ingredientes del nuevu discu d'esti cantautor, "Nueche d'Insomniu".

Nesti nuevu discu del cantautor y compositor asturianu Toli Morilla lo cenciello y lo directo marquen l'estilu. Dempués de dos discos, "Entre el barro y las preguntas" y "Nunca des la espalda", el músicu vuelve al aniciu de la so carrera, en contactu directu cola tradición del folk-rock americanu de los sesenta y setenta. El cantuator grabó esti discu en directo solo cola guitarra y un par de micros, anque tuvo acompañáu pola palabra d'escritores asturianos a los que-yos punxo música y sentimientu. Poemes d'Antón García, Xulio Vixil, Taresa Lorences, Manfer de la Llera, Rosa Taurán, Mª Teresa González, Xandru Fernández o del propiu Toli Morilla dan voz a la música d'esti asturianu.

Pa entender meyor como y que ye lo que quier dicir Toli Morilla, nun lo hai meyor que sentir un tema d'él que puebaxase equí. El cantar en cuestión ye "Alluma'l To Camín" con lletra y música del cantautor, y podemos ufiertalu gracies a la cortesía del propiu Toli Morilla y la so cas de discos, Dusty Records.