El sindicatu de la enseñanza
SUATEA convoca güei una fuelga de profesoráu interín. Anque la
organización enxerta na confederación STE's ye la única
convocante del paru n'Asturies, FETE-UXT y CSI-CSIF tamién llamen al
paru güei n'otres comunidaes autónomes. El paru, qu'afecta a la
comunidá de profesoráu interín, cerca del 25% del
profesoráu asturianu, faise pa pidir un accesu diferenciáu a la
función pública per parte d'interinos y eventuales per un llau y
de nuevos aspirantes ensin esperiencia previo per otru. El sindicatu convocante
refuga tamién el proyectu de reglamentu d'accesu a la función
pública que-yos presentó va poco'l Ministeriu d'Educación
a los sindicatos en cuantes que supón l'actualización de vieyos
procedimientos d'ingreso que supondíen la continuidá d'una
montonera d'interinos, que-y salen más baratos a
l'alministración