Palu a la derecha en Francia

Francia celebró ayeri la primer vuelta de les elecciones en distritos y rexones, nes que los socialistes del PSF pasaron penriba de les llistes del UMP de Jacques Chirac y la UDF del actual primer ministru Jean Pierre Raffarin. La primer vuelta de les elecciones locales franceses, que tuvo una participación penriba de la media, tamién se resolvió con un importante sofitu a les candidatures d'estrema derecha representaes pol Frente Nacional de Jean Marie Le Pen, que raspió'l 15% de los sufraxos. Dellos candidatos del FN van pasar a la segunda vuelta a celebrar el 28 de marzu, mientres qu'ente los partíos a la izquierda del PSF hebo resultaos distintos. Asina'l Partíu Comunista curó con dellos bonos resultaos parte de les mancadures qu'arrastraba dende les presidenciales del 2.002, pero los troskistes, que d'aquella sacaron el 10% de los votos, reculen a porcentaxes más discretos. Más información nos periódicos franceses Le Monde, Liberation y Le Figaro