Ovidio Sánchez echa peles competencies

El presidente del P.P. Asturianu reaccionó ayeri contra la propuesta aprebada en Conseyu de Gobiernu d'Asturies del otru xueves na que'l principáu pide les competencies en materia de ferrocarril de vía estrencho y en materia hidrográfico. Al líder del PP n'Asturies abúlta-y que'l Principáu, al pidir estes competencies ta "alliniándose colos separatistes" (sic) y siguiendo estratexa xeneral socialista que tien por oxetivu cimeru francer la unidá nacional de la España Constitucional.

Sánchez amenaza con que l'asunción d'estes competencies pueda suponer p'Asturies un recule financieru. Sánchez empondera'l serviciu que da l'estáu en dambes cuestiones y asegura que, en casu de pasar a titularidá asturiana, les llinies de FEVE y los calces fluviales perderíen "inversiones millonaries" que peritó en cerca 70.000 millones, centrándose na marcha de la sé central de la Confederación Hidrográfica del Norte y la desapaición del programa del Metrotrén. La obra más importante que tien de facese con cargu a esti programa ye la execución del tunel ferroviariu de Xixón, un proyectu que nun afecta a les llinies de FEVE , mientres que les obres de más volume con cargu a la Confederación Hidrográfica van ser l'embalse de Caliao, en Casu, y delles operaciones en calces de ríos.