Os Reises del Valledor y el Guirria, les siguientes mazcaraes en salir

El sábadu 30 y el llunes 1, de manera respeutiva, van pidir l'aguilandu.

Estos díes van salir dos de les mazcaraes d'iviernu actives nel país. Os Reises del Valledor va facelo mañana a les 10.30 hores de Villalaín, pa siguir un percorríu per San Salvador (llegada a les 11.30 hores de manera aproximada) y finar en Fonteta (13 hores).

L'artista Rodrigo Cuevas va asistir a esta celebración al ser distinguíu como Choqueiro de Os Reises 2023. Tamién va tar presente pa ver el pasu de la comparasa peles cases de la parroquia la viceconseyera de Cultura, Política Llingüística y Deporte, Ana Vanessa Gutiérrez, acompañada por direutor xeneral de Patrimoniu Cultural, Pablo León.

Añu Nuevu

San Xuan va recibir la visita del Guirria n'Añu Nuevu, como ye tradición. La salida nesti casu ye al meudía, col amazcaráu acompañáu por mozos a caballu.