Nuevu Discu de Ramón Prada

El compositor asturianu saca al mercáu un discu en solitario dempués de dellos años trabayando en collaboraciones y como arreglista.

El títulu de la obra de Pablo Neruda, "Veinte canciones de amor y un poma desesperado" sirve tamién pa da-y nome a la obra de Ramón Prada. Nel discu, espublizáu por Fonoastur, el compositor asturianu presentanos una riestra de pieces que grabó nos años 1996 y 1997. Estos cantares son improvisaciones col pianu que'l músicu dedicar a la so muyer. Dempués de pasar dellos años guardaes agora ven la lluz estes grabaciones, que-y sirven a Ramón Prada p'amosar un estilu distintu al que conoz la mayoría del públicu. Venti cantares intimistes y seliquinos son la banda sonora del poema del propiu Ramón Prada, que sirve como lletra imaxinaria pa tolos cantares.

Nesta primer edición del discu namás que van espublizáse 500 discos nuna edición mui cuidada en cuantes al diseñu, realizáu pol so hermanu Juan Prada.