Nueva entrega de los llibros d'ochobre

El profesor de la Universidá d'Uviéu David Ruiz ye l'autor qu'apaez güei nel estoyu bibliográficu qu'ufierta Asturies.com sobre ochobre del 34. "Insurrección defensiva y revolución obrera - El octubre español de 1934" ye una obra qu'espeya los principios de la teoría que diz que 1934 foi un güelpe a la defensiva por parte de la izquierda, que vía nel contestu d'Europa una puerte abierta a la implantación del facismu como forma de gobiernu, col casu del gobiernu del Canciller Döllfuss n'Austria como últimu pasu d'un procesu de derechización radical nel que yá entraren Italia con Mussolini, Alemania con Hitler, Polonia col mariscal Pilsudsky o la grecia de Metaxas. La obra entama polo tanto faciendo un durísimu retratu del gobiernu de la CEDA, a la qu'identifica como "suxetu de la contrarrevolución".

Llamentamos los problemes técnicos que torgaron a lo llargo de los últimos díes la correcta actualización d'esti especial, que vamos rematar cola esbilla de llibros que taba prevista.