Ñublu y Orpín nel Campoamor

El directu del discu del Chus Pedro "De Ñublu y Orpín" va poder vese mañana miércoles nel Teatru Campoamor d'Uviéu

Esti conciertu, que va entamar a les 20:30 hores, ye una bona ocasión pa ver como se defende en directo la propuesta d'esti "De Ñublu y Orpín". Pa que na puesta n'escena nun falte na, nel escenariu van tar munchos de los músicos qu'andecharon xunta Chus Pedro nesti discu. Nomes como Hevia, Ígor Medio, Gabino Antuña o Tejedor van acompañar al cantante de "Nuberu", anque ente los músicos pa esta nueche rescampla la presencia estranxera de Donald Shaw de Capercaille, que como yá fizo nel discu, vien a aportar la so visión de la música folk al directu.