Novedaes nel proyectu Caveda y Nava

Dende 1999, Araz Net ta desarrollando na rede el Proyectu "Caveda y Nava" un estoyu de testos nel que van amestándose escritos representativos de tolos grandes clásicos de la lliteratura asturiana. Esti proyectyu, que ye la versión asturiana del universal "Proyectu Guttenberg" presenta cola entrada del añu les sos novedaes en base de datos, que yá enxerta prácticamente tolos testos de les dos grandes recopilaciones clásiques de la lliteratura n'asturianu, "poesías selectas en dialecto bable" orixinal de Xosé Caveda reeditáu y aumentáu por Fermín Canella
en 1887 y "Los nuevos bablistas" obra qu'asoleyó en 1925 Enrique García Rendueles. Tolos testos, que son de llibre reproducción, respeten la grafía orixinal de los sos autores. El "Proyectu Caveda y Nava" ye un intersante preséu pa conocer los testos clásicos de la lliteratura asturiana, un llabor pal que tamién esiste la Biblioteca Electrónica d'Autores Asturianos