Nel XXIV Día de les Lletres Asturianes

El día grande de la lliteratura y l'idioma asturianos celébrase güei con dellos actos ente los que rescamplen, como yá ye tradicional, la manifestación qu'organiza la Xunta Pola Defensa de la Llingua Asturiana, que sal de la Estación de la Renfe d'Uviéu a les siete de la tarde baxo'l lema d'Oficialidá pa la llingua asturiana y los actos oficiales de l'Academia de la Llingua Asturiana enteatru Campoamor d'Uviéu, qu'entamen a les ocho.

Nesti XXIV Día de les lletres asturianes, día de cellebración y reivindicación, dellos colectivos y entidaes faen públiques les sos reflexones sobre la situación de la llingua Asturiana, ente elles la Fundación Caveda y Nava, que quier aprovechar esta fecha pa dar a conocer esti manifiestu escritu pol miembru de la Fundación y collaborador d'Asturies.com Ramón d'Andrés y soscritu por José Luis Atienza Merino, Vicente García Oliva, Lourdes Álvarez y Xuan Bello, de la Permanente de la Fundación.