Nel día de les piragües

La edición 2003 del Descensu del Sella, más conocíu pa los asturianos como "la fiesta de les piragües" celébrase güei dende les 12 de la mañana. Más de 1.000 piragues tan apuntaes nesta edición, que vien acompañada por delles polémiques que nun tienen que ver nin cola carrera nin cola organización. D'una parte, la fuelga de los maquinistes de Feve, que ye fácil que nun dexe salir el trende les piragües, anque d'otra, y con más implicaciones, la solombra de l'Autovía del Sella, qu'amenaza con camudar dafechu'l paisaxe de la zona. Otramiente, el Sella ye otru añu más oxetu de los curiaos de l'Asociación Ríos ensin Plombu, que l'añu pasáu retiró 400 kilos de chombos, los plominos que se ponen nes cañes de pescar, y de los que queden entovía sobre 200 tonelaes espardíes pel ríu.

Remembramos a quien tenga pensao dir hasta les piragües que la N-634 cortase ente Lloviu y Les Arriondes desde les 10 horas hasta qu'acabe la carrera, estendiéndose la prohibición al día enteru pa camiones de más de 7.500 kilos de PMA.