Navegador n'asturianu

Van saliendo más aplicaciones informátiques n'asturianu. La última novedá dientro del software n'asturianu lléganos gracies a Canor Fernández, collaborador d'Asturies.com, que ye quien nos apurre la dirección de ftp dende la que podemos descargar una versión n'asturianu del navegador Mozilla. Dende llueu, nun va ser gracies a Bill Gates que salgan aplicaciones n'Asturianu. Lo cierto ye qu'en toles llingües minorizaes del estáu que tan trabayando nesta xera, tolo que sal ye a partir de iniciatives particulares. En Catalunya, por poner un casu, funciona dende va tiempu, l'interesante proyectu Soft Catalá, nel que yá tan disponibles les aplicaciones básiques pa la mayor parte de los usuarios d'ordenador.