Nava despidió a Tino Martinez Teja

Nava despidió ayeri a Constantino Martínez Teja, ex conceyal asturianista na casa conceyu de la villa sidrera que morrió esti domingu al cae-y enriba un árbol que tirare la ventolera qu'azotó Asturies esti fin de selmana.

Tino Martínez Teja foi nel 99 el númberu trés de la llista de l'agrupación Asturianista de Xulián Fernández Montes, primer alcalde asturianista de la historia. Naquella llexislatura 99 - 03, na que l'agrupación de Xulian Fernández Montes se presentó en solitario a les elecciones dempués de francer rellaciones col Partíu Asturianista, Teja foi conceyal y ocupó'l cargu de xerente de la mancomunidá de la Sidra, l'ente supramunicipal que se constituyó nun de los meyores avales del llabor de gobiernu del equipu asturianista al frente de Nava. Al intierru asistieron tolos alcaldes de la Comarca de la Sidra, el director xeneral de Cooperación Local, Valentín Ruiz, y dellos políticos y antiguos conceyales