N´Asturies hai 30.000 ricos, según la banca privada

Anque parez que´l paraísu natural ye solo prexubilaos y mocedá en paru, los bancos anden tres de los aforros y inversiones de les cerca de 30.000 families asturianes con altu poder alquisitivu. La banca privada diz qu'una familia ye rica cuando dispón de más de 120.000 euros pa invertir, y el casu ye qu'Asturies tien el 1,67% de los patrimonios xestionaos y el 2% de clientes de banca privada (la qu'atiende a esta clase de clientes) del Estáu



En total n´Asturies la banca privada xestiona 4.700 millones d´euros, operando sobremanera no que se conoz como "triángulu d'oru", qu'enxerta a Levante, Madrid, Euskadi, Navarra y Aragón. Anque'l sector de la banca privada ta viviendo anguaño un tiempu malu, el puxu que tan garrando los servicios de banca privada n´Asturies ye mui significativu.



Los líderes del mercáu de servicios bancarios pa ricos n´Asturies son los mesmos que los del Estáu: BBVA Privanza (BBVA) y BSN Banif (SCH). Dende hai menos d´un añu Caxastur tien el so propiu serviciu de banca privada, y tamién el Banco Herrero ta preparando la entrada nel mercáu astur de Sabadell Banca Privada, pero si esti sector tan espurríu ye noticia güei ye porque ayeri presentose n´Asturies Banca Privada Bankinter. La filial de banca privada del primer bancu n´Internet eBankinter tien una amplia ufierta de servicios pa la xente asturiano más afortunao. L´apueste de Bankinter por Asturies ye porque " anque Asturies ye una rexón probe quien ye ricu ye mui ricu" (ello en pallabres del subdirector xeneral de Bankinter).



Banca Privada Bankinter tien oficina na Cai Uría d´uviéu dende onde xestiona y asesora los más de 417 millones d´euros de los sos 654 clientes asturianos. La entidá financiera tien el 2,21% de la cuota de mercáu astur de servicios financieros pa ricos y el 8,81% del patrimoniu total que xestiona la banca privada n´Asturies. El bancu xestiona solo 3 SIMCAVs (sociedaes patrimoniales de más de 3 millones d´euros con pergrandes ventaxes fiscales pa los clientes) col oxetivu de tener 5 d´estes ferramientes d´inversión nesti añu. El perfil del cliente de banca privada asturianu ye un inversor mayor que la media - alrodiu los 56 años - con unos recursos medios de 255.000 euros, superiores a la media. Amás ye un cliente menos conservador que´l restu de la media en cuantes qu'invierte'l 53% de les perres que tien en renta variable.