Murcia 0 - Sporting 0

El Sporting firmó un empate en campu del líder qu'ayuda a los de Maceda a seguir atropando puntos nuna lliga en que yá nun puen aspirar a más que la permanencia. Con un equipu estráu de cambeos y novedaes, como la de poner a Tasevski de central, los asturianos aguantaron bien na primer parte y acabaron pidiendo la hora na segunda, en que los murcianos plancharon al equipu visitante. El meyor del Sporting foi el porteru Juanjo Valencia, qu'esculpó los pecaos de los erros tontos nos dos partíos últimos parando tolo que-y echaron, que foi muncho.