Multes célebres

El conocíu compositor asturianu Jorge Méndez, responsable entre otres de la Suite Mitolóxica Asturiana y El Diañu Bailón, , tien un escuru historial na Delegación de Tráficu. Ello ye que por cuestiones de trabayu y de la vida, Méndez echa media vida andando en moto, y ente radares y controles, tiénenlu cosíu a multes. Ente les causes de los espedientes de tráficu contra'l músicu hai causes tan chocantes como "circular pel arcen, ensin razón d'emerxencia, con una motocicleta" anque lo que más abonda son los controles de radar: por circular a 145, por circular a 93....

Ello ye que'l músicu, como suel facer tol mundu, retruca siempre a les denuncies, pero en cuenta de facelo colos escritos normales, que van de la esposición de motivos a la súplica, Méndez escribe-yos poemes a los responsables de tráficu. Ente los folios d'alegaciones que nos apurrió Méndez -toos col sellu del rexistru de Tráficu-, hai coses como esta que vien darréu y cola que'l músicu quixo xustificase por circular a más velocidá de lo permitío: "Yo iba tranquilo en la moto / y ví una luz muy brillante / una luz que me envolvía / por detrás y por delante / y los rayos de esa luz / penetraron por mis manos / y en ese mismo momento / de mi personalidad / se apropiaron los marcianos / y lo que pasó después / no fue una cosa normal / porque estaba realizando / algo como un viaje astral.... el marciano que ma abdujo / cometió una imprudencia / pero estaba realizando / todo bajo mi apariencia .... no me deben multar / piensen lo que pasó / porque el que llevaba la moto / era un alien, no era yo.".

Les poesíes circulatories de Méndez tampoco nun guarden ripios pa los axentes de tráficu: "En este asqueroso mundo / tenemos problemas mil / y a mi el que más me fastidia / es el de la Guardia Civil" . Entovía más, Méndez atrévese a face-yos suxerencies a los responsables de Tráficu: "Si creen que gran maldad / tiene aquello que acarrea exceso de velocidad / ¿por qué no le ponen multas de manera feroz / a todo el que padezca de eyaculación precoz?". Y hai más.…