Morrió Cela

L'escritor Camilo José Cela, Premiu Nóbel de lliteratura en 1.989 y autor de La Familia de Pascual Duarte, el segundu llibru más editáu en llingua castellana dempués d'El Quixote, morrió esta mañana a los 85 años. La crítica reconociolu como ún de los más importantes novelistes de la posguerra, pero la figura del escritor, ún de los personaxes públicos del mundu de les lletres que más espolinos armó nos medios de comunicación d'unos años pácá, dexa opiniones pa tolos gustos. El portal gallegu Vieiros espubliza güei un especial sobre Cela. Recomendamos sobremanera el separtáu de links, que paña casi tolo qu'hai na rede sobre l'escritor de Padrún, lo mesmo pa bien que pa echar contra elli.