Morrió Rafael Fernández

A los 97 años d'edá morrió güei Rafael Fernández, ún de los políticos asturianos más importantes del sieglu XX y participante del gobiernu asturianu, primero y depués de la dictadura franquista.

Militante del PSOE, Fernández yera l'últimu miembru vivu del Conseyu Soberanu y del Conseyu Interprovincial, que dirixó Asturies na guerra civil, y onde foi responsable de Facienda y  de Mocedá depués. Foi l'esllabón qu'axuntó simbólicamente'l periodu republicanu y el constitucional, en cayendo la dictadura franquista, cuando asumió primero la presidencia del ente preautonómicu a los 64 años y depués la primer presidencia del Principáu d'Asturies.
 
Nos años 90, yá retiráu de l'actividá política y metanes el debate sobre la oficialidá de la llingua asturiana na reforma del estatutu, Rafael Fernández foi ún de los miembros de la FSA que firmó un manifiestu a favor de la oficialidá.