Monólogos de Pachín de Melás

Dos años depués de que se-y dedicare la Selmana de les Lletres , l'autor xixonés del primer terciu del sieglu XX vuelve a ser actualidá gracies a una páxina na rede onde pue vese un resume de la vida del famosu escritor y tamién un llistáu de les sos obres.

La páxina ye responsabilidá d'Emilio Fdez. Robles, nietu del famosu escritor, y presenta l'atractivu d'enxertar dellos testos orixinales de Pachín de Melás pa llibre consulta y descarga. Agora mesmo puen descargase los testos de los monólogos "Xuacu busca criau... ¡y ná mas!", "El tratu de Quicón el magüetu" que s'estrenó en Teatru Dindurra de Xixón (actual Xovellanos) en 1.912 "A la vieyez, vexigues" y "Mal de cañaes", toos ellos escritos ente 1.910 y 1.912. Otramiente, la información d'esta web tamién pue completase cola de la web de la Selmana de les Lletres del 2.001.