Misiva prepara un conciertu en llinia pal 10 de setiembre

La banda de Grau vese obligada a aplazar el conciertu pol décimu aniversariu con Amplify.

Per segunda ocasión Misiva tien que camudar los sos planes por cuenta la crisis sanitaria pola pandemia de COVID-19. Puestu en primer llugar pal 8 de mayu, los moscones decidieron aplazalu al 4 de setiembre, mañana, esperando una meyor situación que nun acaba de llegar, con restricciones entovía pal entamu d'eventos.

La cita colos sos siguidores prevista nel uvieín Tribeca, con Amplify como convidáu, queda de momento ensin fecha a la espera d'acontecimientos. Sicasí, como alternativa'l grupu ta preparando pal xueves viniente un conciertu en llinia del que va dar más detalles nos díes próximos.