Metal pesao n'El Musel

Según anuncia na so web el grupu Ecoloxistes n'Acción, nes muestres de sedimentos marinos del Puertu d'El Musel que tomó'l Grupu de Ecoloxía de la Universidá de Cantabria rexistren niveles altísimos de contaminación por mercuriu.

L'analís de les muestres del fondu del Puertu encargó-ylu l'Autoridá Portuaria de Xixón a la universidá cántabra dientro del proyectu que tien el Puertu de Xixón pa rellenar cais nuevos nel espigón de la Osa con materiales del fondu, y, al decir de l'asociación ecoloxista, la tercer parte de les muestres de materiales a dragar pertenecen a la categoría III, ello ye que contienen concentraciones altes de mercuriu y namás el que se mezclen con material d'otres partes del puertu permite que baxe la concentración de metal pesao a niveles menos peligrosos. Ecoloxistes n'Ación d'Asturiesdiz qu'estos datos vienen a da-yos la razón nel estudiu que vienen faciendo per cuenta d'ellos sobre contaminación tresfronteriza, sobremanera nel apartáu dedicáu a la contaminación que provoquen les centrales térmiques.

Los datos vienen a salir cuando'l Programa de ls ONU sobre Mediu Ambiente tien en preparación una Evaluación Mundial sobre'l mercuriu y cuando la UE ta tamién pa presentar delles midíes pa controlar la presencia de metales pesaos en mediu ambiente