Médicos asturianos ofrécense a dir a Madrid

El Serviciu de Salú del Principáu d'Asturies (SESPA) púnxose ayeri al serviciu del Institutu Madrileñu de la Salú p'apurrir los medios técnicos, profesionales, de tresporte y d'atención urxente que se precisen. Anque entovía nun se sabe cuantos médicos, personal y equipos van treslladase a cubrir les urxencies producíes pol atentáu d'ayeri, el SESPA dixo que, aparte del ofrecimientu institucional que se fizo dende la xerencia del SESPA taben recibiéndose a lo llargo del día d'ayeri, abondes llamaes de profesionales d'hospitales y centros de salú asturianos ofreciéndose personalmente voluntarios pa dir a atender a les víctimes del atentáu.