Medalles pal patín astur n'Europa

Los campeonatos d'Europa de patín de velocidá, nos que hebo una abondante representación asturiana, acabaron con trunfu de los nuestros deportistes, que llevaron tres medalles, dos bronces y ún oru. El primer metal foi el sábadu 20 pa Sheila Posada, que ganó la carrera de los 300m. escontra'l reló, mientres que la xornada del llunes truxo medalles pal equipu Junior femenín. na preba de 1500 m. escontra'l reló, onde l'equipu formáu poles patinadores del C. P. Calzada 92 Lorena Fernández, Vanesa Dago y Lara
Rodriguez consiguió la medalla de bronce, tres del equipu
italianu y de les alemanes. Rematando los ésitos asturianos, el martes, l'equipu xuvenil de 3000 m. relevos
a l'americana, formáu per Sheila Posada, del C. P. Pelayo; Julieta
González, del C. P. Enol y Beatriu Gómez, patinadora catalana del Speedy
Viladecans tamién quedaron en tercer llugar.

D'otru llau, el patinador asturianu Iván Posada, hermanu de Sheila que ta
compitiendo co'l Amaya de Pamplona, sustituyó na seleción absoluta al
patinador Alberto Alemán del C.P. Txantrea que se mancó na 1/2
Marathon de Picanya (Valencia).