Mavea entama salides en barcu pa ver aves y mamíferos marinos

|

El martes, el sábadu y el día 13 n'Avilés.

El Grupu d'Ornitoloxía Mavea entama trés salides en barcu pa ver aves y mamíferos marinos. Nesta seronda les salidas van ser dende'l puertu deportivu d'Avilés, cola intención de visitar el Cañón d'Avilés.

Ye nesta época del añu'l momentu del pasu migratoriu postnupcial d'aves marines pela nuesa costa, polo que na salida de 7 hores suel ser fácil columbrar estos animales. Les salides van facese del puertu d'Avilés a les 9 hores mañana, el sábadu y el domingu 13, con llegada prevista pa les 16 hores.

L'actividá ta abierta a la participación tola ciudadanía. Los interesaos han de ponese en contautu con Mavea al traviés de los correos electrónicos info@mavea.org o coordinacion@mavea.org, anque pa la salida del día 13 yá tán toles places escosaes.

Contador Estadistiques