Manta Ray marcha de xira p'América

El grupu asturianu "Manta Ray" yá ta acostumáu a dir de viaxe cola so música, esta vegada va facer una xira pelos Estaos Uníos.

Dende'l 16 d'abril hasta'l 5 de mayu'l cuartetu de Xixón "Manta Ray" va andar per tierres del otru llau del charcu presentando'l so últimu discu "Estratexa". Los xixoneses yá ficieron una llarga xira l'añu pasáu, anque daquella foi per Europa. Agora son 16 los conciertos a los que'l grupu tien qu'enfrentáse de costa a costa americana, anque nun van tar solos, yá que van dir acompaños na xira por "Swords Project" (Oeste), "Chris Brokaw" y "Thalia Zedek" (Este).

"Estratexa" ta gustando nel país del Rock'n Roll, delles publicaciones especializaes traten bien al grupu asturianu, Devil In the Woods, Ink19, synthesis.net, earpollution o Village Voice son un exemplu d'ello. "Estratexa" espublizóse nos Estaos Uníos con dos cantares amestaos, que nel estáu español aparecieron como cares B nel single "Take a Look"