Manta Ray en Xixón

La banda xixonesa ta metía dafechu na xira de promoción de
"Estratexa", últimu discu
del grupu. La xira ta
llevándolos a sitios tan estremaos como
Rusia,
Alemania, Portugal, Francia, Italia, Suiza, Alemania y Bélxica. Esti
vienres van tar n'Asturies, l'actuación va ser a les 20:30 nel
salón d'actos del pabellón de Caxastur nel recintu de la feria
internacional de muestres d'Asturies, onde la entrada ye de baldre.



"Manta Ray" ta consiguiendo con "Estratexa"
afitase como un grupu de referencia dientro de la música independiente.
Esti mes foron portada de la revista musical "Rock de Luxe", la
publicación más importante a nivel estatal sobre la escena
independiente y alternativa., y pa más aquello "Estratexa" tamién va
espublizase nos Estaos Xunios y Rusia. D'esti discu tan acabante de sacar a
la cai un nuevu single, "Take a look", nel que podemos sentir
ún tema enxertu nel LP más otros dos inéditos.



Pero "Estratexa" nun ye solo un discu, tamién ye un
documental dirixíu por Ramón Lluís Bande, que tien como
exes principales les semeyes del fotógrafu asturianu de los años 30 Constantino Suárez y
el testimoniu d'un fugáu de la posguerra que sirven pa danos una visión de la
hestoria d'Asturies nel periodu ente 1934 y 1940, too ello mecío cola música del grupu.