L'Uviéu entama en casa col Andorra y el Sporting viaxa a Miranda de Ebro

La Liga de Segunda división va arrancar la fin del selmana del 14 d'agostu. El primer derbi va pesllar la primer vuelta y el segundu va celebrase na xornada 40, l'antepenúltima.

La Ciudad del Fútbol de Las Rozas acoyó esta tarde'l sortéu de la Segunda División. La primer xornada crució al Uviéu con un debutante na categoría, l'Andorra, partíu que se va xugar nel Tartiere, mentes que'l Sporting va xugar n'Anduva col Mirandés.

Los siguientes partíos del equipu de Bolo van ser col Leganés –tamién en casa–, Racing, Levante y Burgos. Na penúltima xornada recibe al conxuntu santanderín en casa y fina la competición na fin de selmana del 28 de mayu en València.

Mentes, los roxiblancos van siguir col Andorra y Burgos, los dos siguíos en casa, la Ponferradina y el Racing. Nel tramu final va enfrentase al Eibar n'Ipurua y al equipu bercianu n'El Molinón.

Los derbis van tener llugar nes xornaes 21, nel Tartiere na fin del selmana del 18 d'avientu, y na 40, n'El Molinón na del 14 de mayu. Les eliminatories pol ascensu van celebrase ente'l 4 y el 18 de xunu.