L'osu recupérase n'Asturies

El Fondu Asturianu pa la Protección de los Animales Selvaxes (FAPAS) fizo balance de lo que supunxo l'añu 2.003 pa la población d'osos. Según la organización que dirixe Roberto Hartasánchez, la población cantábrica d'osu pardu rexistró nel 2003 un "bon añu" en cuantes que se censaron un total de doce oses con críes, trés d'elles nel noyu oriental de población osera, asitiáu ente Asturies, Cantabria, Llión y Palencia, que ye'l más pequeñu y nel que l'osu peligra más.

Nel noyu occidental, ente Asturies, Llión, y Galicia atopáronse les otres nueve oses con esbardos de 2.003, añu nel qu'amás el Fapas congráciase de que nun hubiere muertes d'osos por causes non-naturales nin por acción de furtivos. En resume, el Fapas ve que, anque la población nun tien una xuba espectacular, tampoco baxa, y en casu de que los esbardos del añu salgan alantre va poder crecer el númberu d'oses de cría, qu'anda anguaño ente 11 y 14 Anque cada osa tien ente dos y tres críes de cada partu, lo normal ye que namás salga alantre ún esbardu.