Los vehículos particulares nun van poder xubir a Los Llagos

Les 24 hores mientres tea activu el Plan Especial de Tresporte, midida que se va poner en marcha nel momentu nel que salga espublizada nel BOE.

El Gobiernu, el Conceyu de Cangues d'Onís y la Direición Xeneral de Tráficu (DXT) alcordaron esta mañana modificaciones urxentes na regulación de los accesos a Los Llagos. Ente elles ta'l pieslle dela carretera a los vehículos non autorizados, sían coches o autocaravanes, qu'hasta agora teníen pasu hasta les 21 a les 7.30 hores en branu, periodu reguláu pola alta asistencia turística.

Esta midida llega depués del accidente d'ún de los autocares que fai la ruta. Ésti volcó'l llunes nuna maniobra al cruciar con otru que baxaba, provocando dellos firíos, socesu que pudo ser entá más grave si'l vehículu llega a siguir lladera abaxo.

Amás, decidióse que'l sistema de comunicación interna actual ente conductores, al traviés d'emisores vía satélite, va completase con un protocolu d'obligáu cumplimientu que determinará los puntos d'espera y crucie seguros. Estes zonas van ser ampliaes y ameyoraes y, amás, van acondicionase otres nueves específices pa esti fin.

Semeya del llugar del accidente propiedá del 112 Asturies.