Van celebrase esta selmana nel Muséu del Ferrocarril baxo la etiqueta ElectronicAst!.
Yá tan disponibles na rede los trés vídeos fechos por Tever n'esclusiva pa los X Alcuentros de Músiques Asturianes, qu'entama la Fundación Municipal de Cultura, Educación y Universidá Popular al traviés de la Oficina de Normalización Llingüística de Xixón en collaboración col Taller de Músicos. El primer capítulu lleva'l títulu de 'ElectronicAst! capítulu 1: panorama d'anguaño', el segundu 'Oríxenes y precedentes' y el terceru 'Músiques ensin fronteres', disponibles na canal de YouTube 'Taller de Músicos Gijón-Xixón'.
Estes trés entregues sirven d'introducción a los cuatro conciertos programaos baxo'l nome de 'sesiones' ente güei y el vienres nel andén principal del Muséu de Ferrocarril d'Asturies, toos a les 20 hores con entrada llibre, y de la escena electrónica nel país. Fruela 757 va abrir los Alcuentros esta tarde, pa siguir mañana con Tasio, el xueves con Bimenes UnderPrau y zarrar l'actividá con Llevólu'l Sumiciu.
Na semeya, captura del primer videu de Tever nel momentu en que fala de Fruela 757 sobre una creación audiovisual de propiu productor Javi Suárez.
| Adxuntu | Tamañu |
|---|---|
 Programa X Alcuentros de Músiques Asturianes | 1.31 MB |
La coordinadora de 'Xosé Bolado. Fálame Duce' y 'Palabres blanques. Testos d’Historia y Crítica lliteraria (Esbilla)', publicaciones asoleyaes con motivu de la XLIV Selmana de les Lletres Asturianes, fala de les mesmes y sobre la figura de Xosé Bolado, poeta y críticu lliterariu al que se-y dedica esta edición de la gran celebración de la nuesa lliteratura.
