Los reis vienen con paru

El paru xubió n'Asturies esti mes d'avientu en 1.157 persones, quedando la llista de demandantes d'emplegu en 55.236 persones, lo que supón una tasa del +2,14 respective al mes de payares. Na interanual, tamién hai más paraos qu'en comparanza con avientu del 2.002, esactamente 950 más. Con too y con ello, esta xuba del paru cola qu'entramos l'añu foi más grande en delles de les otres 11 comunidaes autónomes en que xubio'l paru n'avientu, casu de Cantabria o Navarra, onde se rexistraron hasta'l +6% de demandantes d'emplegu. La tasa de paru ta agora nel 12,51% , siendo la segunda más alta del estáu (sacantes Ceuta y Melilla) tres d'Estremadura y trés puntos penriba de la media española, que ye del 9,04%

El conseyeru de Trabayu fizo un analís en clave positiva de la situación en cuantes que los datos peores d'otres comunidaes averen a Asturies a la media estatal. Graciano Torre entiende que la xuba del paru esti mes ye normal y emponderó la baxada del paru femeninu, que se caltién den 1999. D'otra manera, el titular de la cartera de trabayu reconoció que, anque'l númberu de contratos indefiníos medró n'avientu'l 16,91%, munchos d'ellos nun pasen de los trés meses de vida