Los presupuestos xuben el 7,15%

El Conseyeru de Facienda Jaime Rabanal ta acabante de facer públicu un avance de los Presupuestos d'Asturies pal 2005, que van tener un importe total de 3.335 millones d'euros

El Conseyeru de Facienda Jaime Rabanal ta acabante de facer públicu un avance del proyectu de Presupuestos d'Asturies pal 2005, que va tener un importe total de 3.335 millones d'euros, lo que supón una xuba del 7,15% contra'l 6,7% col que trabayaba de mano l'executivu autonómicu y que-y abultaba mui probe a IX-BA, socios de gobiernu del PSOE. Dempués d'unes selmanes mui tenses nes qu'Izquierda Xunida llegó a amenazar con dexar el Gobiernu en casu de nun atendese les peticiones de la coalición, IX-BA consiguieron arrampuñar una xuba de cerca de 10 millones d'euros nel total del presupuestu tres d'unes negociaciones intensives que terminaron ayeri mesmo.

Sicasí, l'anteproyectu de Llei de Presupuestos nun va aprebase hasta la selmana qu'entra, entamando darréu tola tramitación en parlamentu de los mesmos. Dende Izquierda Xunida declaren que tan contentos col presupuestu negociáu y dicen que va permitir desarrollar el Pautu de Gobiernu.