Los premios de lliteratura de la Conseyería de Cultura quedaron ermos

La Conseyería de Cultura entregó
ayeri nel Auditoriu Príncipe Felipe d'Uviéu los tradicionales
premios de promoción de la lliteratura n'asturianu, anque esti añu namás pudo facese entrega d'un de los trés que taben convocaos, en cuantes que'l Xosefa Xovellanos de novela y el Xuan María Acebal de poesía quedaron ermos al nun abulta-y al xuráu que los trabayos que se presentaron tuvieren calidá abonda pa merecer el premiu. Beatriz Redondo Viado ganó la convocatoria del I Premiu "Enriqueta González Rubín" de periodismu pol so reportaxe "El campu asturianu, en víes d'estinción" que s'espublizó en selmanariu les Noticies. Sicasí, hubo otru testu n'asturianu premiáu ayeri, la obra de teatru de Pablo Rodríguez Medina"Martema, retratu d'una guerra, historia d'unes culpes" que ganó'l premiu "Asturies mozo" de teatru, una estaya onde podíen presentase orixinales n'asturianu o castellanu