Los otros Napsters

Cuando'l históricu Napster ta pa convertise nun serviciu de pagu controláu poles multinacionales discográfiques, los sos clones y herederos enfréntense tamién al acosu de les cases de discos. Ello ye que Napster tien un sucesor, el sistema de FastTrack, que ye'l favoritu tres la desapaición del serviciu inventáu por Shawn Fanning. Fast Track apurre la so tecnoloxía a sitios como Grokster, y estrémase de Napster en que ye un serviciu p2p (de cliente a cliente) que nun tien un servidor central dende'l que se faigan les descargues como tenía'l Napster. Agora, la rede de Fast Track tien puesta una demanda que pue llevar a que tolos sitios qu'empleguen la so tecnoloxía tengan que pesllar, pero nun se ve como pue mandase trancar a unos sitios que namás faen qu'ufiertar un programa que val pa intercambiar ficheros de toa frasca ensin responsabilidá directa na violación de los derechos d'autor.