Los númberos 22 y 23 de ‘Cultures’ dedíquense a la cultura de la música n’Asturies

La revista ‘Cultures’, asoleyada pola Academia de la Llingua Asturiana (ALLA) y dirixida por Roberto González-Quevedo, espubliza los númberos 22 y 23. Trátense de dos monográficos dedicaos a la cultura de la música n’Asturies coordinaos polos espertos Ignaciu Llope y Llorián García Flórez.

Dambos volumes inclúin artículos d’investigación que traten temes variaos al rodiu la música n’Asturies, dende’l celtismu al nuevu canciu astur, pasando pola tradición de les orquestes nel occidente del país o la música combativa. Berto Álvarez Peña, Lisardo Lombardía, Xune Elipe, Fe Santoveña, Rodrigo Joglar o Esteban González Corteguera son dalgunes de les persones que collaboraron nestos dos númberos de ‘Cultures’.

Anque yá se presentara’l 22 en mayu na VII Feria del Llibru y Discu n'Asturianu, dientro de la Selmana de les Lletres Asturianes, mañana l’ALLA va entamar n’Uviéu l’actu oficial pa dar a conocer los conteníos de los dos volumes de manera conxunta, con una curtiu escoyeta musical. Va ser a les 19 hores nel Muséu Arqueolóxicu d’Asturies cola participación del so presidente, Xosé Antón González Riaño, amás de los responsables González-Quevedo, Llope y García Flórez, y dalgunos de los collaboradores.