Los llunes y los xueves son pa falar

|
Cartelu Vamos Falar 2022

Iniciativa pol Asturianu y el Conseyu de Mocedá de Xixón recuperen los grupos de conversación informal n'asturianu.

Un espaciu informal, relaxáu y seguru onde quitar el mieu a falar n’asturianu en públicu, ensin importar el nivel. Ye lo qu'ufre '¡Vamos falar!', que torna esti llunes de manera presencial, cola novedá nesta ocasión de que los xueves van entamase los alderiques de manera telemática per Zoom –nesti casu ye necesario rellenar esti formulariu–.

"Los grupos informales de conversación son una iniciativa del CMX col envís de que la xente pierda’l mieu a falar n’otros idiomes como’l francés, l’inglés y l’alemán. Resulta, entós, perinteresante usar estos espacios como sitios seguros onde’l asturianu medre ensin tar estigmatizáu, p’amosar que se pue falar n’asturianu en toles situaciones sociales, seya cola familia o na cai, nel supermercáu o colos amigos", apunten dende Iniciativa pol Asturianu.

La hora d'axuntamientu va ser les 18 hores, tanto pa los llunes presenciales como pa los xueves telemáticos. De baldre les dos opciones, los grupos físicos van desendolcase na sede del Conseyu de Mocedá de Xixón, na cai Manuel Llaneza númberu 68.

 

Contador Estadistiques