Los llectores d'Asturies.com esperen unes terceres eleiciones

El 79 por cientu de los usuarios d'Asturies.com que participaron nel nuesu 'Conceyu Abiertu' cuenta yá con una tercera convocatoria d'eleiciones estatales el 25 d'avientu. Cree que nenguna de les opciones va algamar los apoyos necesarios pa formar Gobiernu.

La entruga que plantegamos a los nuesos llectores foi '¿Tendremos eleiciones xenerales el 25 d'avientu?',  a lo que'l 79 por cientu respondió 'Si, nenguna de les opciones va llograr los apoyos necesarios'. Mentes, namái un 21 por cientu cree que 'Non, el PP va llograr a la fin l'astención del PSOE'. Lo cierto ye que la situación paez atascada y la pantasma d'una tercera convocatoria d'eleiciones nun añu paez más real que nunca.

Dende esti momentu yá ye posible participar nun 'Conceyu Abiertu' nuevu. Nesta ocasión queremos conocer la opinión de los usuarios sobre les celebraciones del pasáu 8 de setiembre, Día de la Nación Asturiana.