Los datos del Prestige

Cuando van facer cinco meses de la catástrofe ecolóxica del Prestige, el Gobiernu presentó'l plan que tien pa sacar el galipote que queda en barcu del fondu la mar. La empresa Repsol-YPF va ser la encargada d'afuracar el barcu pa dir sorbiendo les 37.000 toneladas de fuel que queden en peciu, un llabor que la mesma empresa nun sabe si va poder facer bien y que, nel meyor de los casos, va llevar un añu. Mientres, la institución vasca AZTI punxo na rede los datos del galipote que se lleva pañao dende qu'entamó la marea prieto. Na estadística que presenten pue vese cuantu galipote se recoyó en cada territoriu afectáu y que medios s'emplegaron pa ello, y según los datos d'Azti, Asturies foi la comunidá autónoma que menos galipote retiró na mar y la segunda, tres d'Euskadi, que menos retiró en tierra.