Los centros de la Rede Natural d'Asturies entamen actividaes y rutes en Selmana Santa

|
Centro de Visitantes Ibias

Toles actividaes son de baldre, anque ye necesaria inscripción previa.

La Conseyería de Mediu Natural y Cohesión Territorial programó actividaes didáutiques y rutes guiaes nos centros d'información y interpretación de la Rede Natural de Asturies (RENA) estos díes de Selmana Santa. L'oxetivu ye dar a conocer los valores ambientales de los espacios protexíos y concienciar sobre la importancia de la so conservación.

Les places son llendaes, polo que se recomienda inscribise primero col unvíu d'un corréu electrónicu a info@rednaturaldeasturias.es, onde tamién se pue solicitar información. Les actividaes son les siguientes:

Xueves 6

  • Centru d'Interpretación del Parque Natural de Ponga (San Xuan). De 17 a 18 hores, visita guiada a la esposición del centru.
  • Centru d'Interpretación del Parque Natural de Redes (El Campu), de 17 a 18 hores, visita guiadas al centru.

Vienres 7

  • Centru de Recuperación de la Fauna Silvestre (Sobrescobiu). De 13 a 14 hores, visita guiada a la esposición de l'Aula Didáutica.
  • Casa del Agua (Rusecu). De 17 a 18 hores, visita guiada a la esposición.

Sábadu 8

  • Na Reserva Natural Parcial de La Ría de Villaviciosa. De 10.30 a 12.30 celébrase 'Un sábado ornitológico'.
  • Centru de Recuperación de la Fauna Silvestre (Sobrescobiu). De 13 a 14 hores, visita guiada a la esposición de l'Aula Didáutica.
  • Percorríu interpretativu pol Paisaxe Protexíu de Cabu Peñes. De 12 a 13.30 hores.
  • Centru d'Interpretación del Parque Natural de Ponga (San Xuan). De 17 a 18 hores, visita guiada a la esposición del centru.
  • Centru d'Interpretación del Parque Natural de Redes (El Campu), de 17 a 18 hores, visita guiadas al centru.
  • Casa del Agua (Rusecu). De 17 a 18 hores, visita guiada a la esposición.

Domingu 9

  • Percorríu interpretativu pol Paisaxe Protexíu de Cabu Peñes. De 12 a 13.30 hores.

Tolos díes

  • Parque Natural de les Fontes del Narcea, Degaña ya Ibias. De 12.30 a 13.30 hores: percorríos guiaos pola esposición del Centro d'Interpretación La Palloza, n'Ibias; percorríos pelos miradores dende'l Centru d'Interpretación de la Reserva Natural Parcial de Munieḷḷos (Oubachu): visita guiada a la esposición de la Casa del Parque Natural de Fuentes del Narcea, Degaña ya Ibias (Courias); y visita la esposición temporal de la Fundación Oso de Asturias nel Centru d'Interpretación Casa Florencio (Zarréu).

 

 

Contador Estadistiques