Los Berrones toquen nes fiestes de Sotrondio

Van entamase romeríes hasta'l llunes y Vicente Díaz va dar un conciertu'l domingu.

Dende ayeri tán celebrándose les fiestes patronales de Sotrondio n'honor a Samartín de Tours. Cinco díes folixa que cuenten na so programación con un conciertu de Los Berrones.

Los de Tolivia van tocar esta nueche a les 23.30 hores, actuación inmersa na so xira ‘Añu 1 D. C. (Dempués del COVID)’ que celebra los sos 35 años n'activu que yá los llevó estos meses a Santander, Santiago de Compostela o Madrid, amás de diferentes puntos del país. Va completar la verbena la reconocida orquesta madrilana La Misión.

Enantes, a les 22.30 hores, van facer un pasucais los Gaiteros del Carbón. El domingu, a les 18 hores, la Bandina Tradicional de Gaites Valle del Nalón va protagonizar otru, xornada na que Vicente Díaz va dar un conciertu na plaza de la Casa Conceyu a les 20 hores.

Na semeya, Los Berrones nel primer conciertu de la xira nel avilesín Niemeyer.