Los berrones estrenen vídeo

El grupu deTolivia presentó ayeri na sede de la SGAE'l vídeu del tema "Suañaba yo" ún de los que s'enxerten nel últimu discu del grupu, "República independiente de Tolivia".

El vídeu grabóse na mesma Tolivia, en conceyu Llaviana, y l'acción del mesmu sonsaña un partíu de fútbol nel que Ramón fai de Xugador, Olegario d'árbitrio y Tante Blanco d'empresariu futboleru.

Les imáxenes del partíu mécense con otres d'una actuación en directo del grupu na discoteca La Pista de Llaviana, l'escenariu onde'l grupu suel presentar toles sos creaciones y onde alcuentren a un públicu dau qu'hai vegaes que los recibe hasta con pancartes. Too fecho en casa y por cuatro perres, como ellos mesmos sorrayen.