Los asturianos, fuera de la Copa'l Rei

El Sporting perdió nun partidu bien probe contra l'Eibar y quedó fuera d'una Copa'l Rei onde los de Marcelino contaben con pasar a segunda ronda y asina traer pa El Molinón un equipu de primera que supunxere un ingresu de taquilla estra. El dominiu del Sporting na primer parte nun valió pa muncho, y les poques ocasiones de los asturianos nun se materializaron, resultando a la fin un partíu tristayu qu' acabaron perdiendo pela mínima los de casa (gol de Roberto nel minutu 84) contra l'alineación de reserves del Eibar.



Pela so parte, el Real Uviéu cayó con muncha dignidá por 1-2 énte una Real Sociedad qu'ayudó cola so visita a tapar los furacos económicos del equipu carbayón. Barquero adelantó a los donostiarres nel 24 y Granada empató al poco d'entamar la segunda parte pal Uviéu. Los azules cásique forzaron la prórroga, pero Gabilondo marcó'l del trunfu nel minutu 93