Llope y Elipe van falar de 'El celtismu musical asturianu' en La Llegra

|
Charra d'Anabel Montes en La Llegra

Los dos espertos van afondar nesta conferencia nel papel que tuvo y tien anguaño la referencia cultural atlántica na música tradicional asturiana.

L'uvieín Llar La Llegra convida a Ignaciu Llope y Xune Elipe pa falar de 'El celtismu musical asturianu'. "Anguaño, col españíu de la pandereta, lo electrónico y la presencia n'espacios d'intercambiu internacional, ye un bon momentu pa echar una güeyada atrás y ver d'ú surde esta tradición musical y qué siendes y oportunidaes tien pa siguir construyendo nel futuru una Asturies cola so propia cultura viva y vivida", apunten dende esti espaciu.

De la mano d'estos ponentes, que vivieron en primer persona la construcción de "lo celta" nel ámbitu asturianu, los presentes van poder aldericar sobre la manera na qu'ha representase Asturies a sigo mesma. L'actu va desendolcase'l vienres a les 19.30 hores, con entrada llibre.

Na semeya, un momentu de la última charra celebrada en La Llegra, el 26 de mayu, entitulada 'Refuxaes de Primera y Segunda: la realidá del salvamentu de persones nel Mediterraneu' y protagonizada pola activista Anabel Montes, coordinadora de busca y rescate de Médicos Sin Fronteras.

Contador Estadistiques