Llista única nel congresu del PP

Los populares asturianos tienen pa últimos d'esti mes un congresu del que tien que salir la nueva executiva del PP n'Asturies. La posible presentación d'una llista alternativa mandada pol diputáu Juan Morales contra la "oficial" d'Ovidio Sánchez destapó la resquiebra dientro del PP asturianu, que va cinco años sufriere hasta les sos últimes consecuencies otra resquiebra al esgayar del partíu lo qu'anguaño ye la URAS.

Nesta ocasión el desalcuerdu nun va llegar a les últmes consecuencies. Ello ye que'l secretariu xeneral del PP, Ángel Acebes dixo esta mañana n'Uviéu qu'esisteun alcuerdu aceptáu por Morales y pol cual Ovidio Sánchez va siguir encabezando'l partíu mientres que Morales va tener el cargu d'adxuntu a les vicepresidencies, que van ser pa Gabino de Lorenzo y pa Pilar Fernández Pardo, reresentantes d'Uviéu y Xixón